Xalq deputatlari viloyat Kengashi deputati G.Bobojonova xizmat tashrifi doirasida Sariq-suv mahallasida bo‘lib, mahallada xotin-qizlar bilan ishlash tizimi, amalga oshirilayotgan ijtimoiy loyihalar hamda xotin-qizlar faolining xizmat faoliyati bilan yaqindan tanishdi. Tashrif davomida hududda xotin-qizlarning ijtimoiy himoyasini kuchaytirish, ularning bandligini ta’minlash, tadbirkorlikka jalb etish, kasb-hunarga o‘qitish, ma’naviy-ma’rifiy tadbirlarni tashkil etish hamda muammoli oilalar bilan olib borilayotgan ishlar yuzasidan amalga oshirilayotgan ishlar o‘rganildi. Shuningdek, “Ayollar daftari”ga kiritilgan fuqarolarni qo‘llab-quvvatlash, ehtiyojmand xotin-qizlarga amaliy yordam ko‘rsatish, ularning murojaatlarini o‘z vaqtida o‘rganish va ijobiy hal etish borasida amalga oshirilayotgan ishlar muhokama qilindi. Viloyat Kengashi deputati mahallada xotin-qizlar manfaatlarini
ta’minlash, ularning huquq va qonuniy manfaatlarini himoya qilish hamda ijtimoiy faolligini oshirish yo‘lida olib borilayotgan ishlarni ijobiy baholab, bu boradagi faoliyatni yanada takomillashtirish bo‘yicha o‘z taklif va tavsiyalarini bildirdi.