Xalq deputatlari Bo‘stonliq tumani Kengashining 2026-yilga mo‘ljallangan Ish rejasiga muvofiq O‘zbekiston “Adolat” sotsial-demokratik partiyasidan saylangan deputat N.Nadirova hamda kotibiyat xodimi N.Kurganova tomonlaridan yoshlarning kitobxonlik madaniyatini yuksaltirish, ma’naviy-ma’rifiy ishlar samaradorligini oshirish maqsadida Markaziy kutubxona faoliyati o‘rganildi.

🔺O‘rganish davomida kutubxonaning kitoblar fondi, o‘quv zallari, elektron resurslar, kitoblarni saqlash sharoitlari hamda kitobxonlar uchun yaratilgan imkoniyatlar bilan yaqindan tanishildi. Shuningdek, yangi adabiyotlar bilan fondni boyitish, kitoblarni raqamlashtirish, elektron kutubxona xizmatlarini rivojlantirish va aholiga zamonaviy axborot-kutubxona xizmatlarini ko‘rsatish bo‘yicha amalga oshirilayotgan ishlar muhokama qilindi.

🔺Deputat kutubxona rahbariyati va xodimlari bilan suhbatlashib, kitobxonlar sonini oshirish, yoshlar o‘rtasida mutolaa madaniyatini keng targ‘ib qilish, maktablar va ta’lim muassasalari bilan hamkorlikni kuchaytirish, turli ma’naviy-ma’rifiy tadbirlar, kitob taqdimotlari, ijodiy uchrashuvlar va kitobxonlik tanlovlarini muntazam tashkil etish yuzasidan fikr almashdi.

🔺Kutubxona faoliyatini yanada takomillashtirish, kitobxonlar uchun qulay muhit yaratish maqsadida kutubxonaning o‘quv xonalarini kengaytirish yuzasidan takliflar bildirildi. Deputat tomonidan ushbu masala yuzasidan mas’ullar bilan muzokara olib borilishi belgilandi.