#deputat_va_yoshlar_uchrashuvi

Yoshlar tashabbuslari va imkoniyatlari muhokama qilindi

Kogon shahrida “Rahbar va yoshlar” mavzusida ochiq muloqot tashkil etildi. Tadbirda O‘zbekiston Ekologik partiyasi Buxoro viloyat Kengashi xodimlari hamda Xalq deputatlari Kogon shahar Kengashi deputati A. Ergashev ishtirok etib, talaba-yoshlar bilan samimiy va ochiq suhbat olib bordi.

Muloqot davomida yoshlarga yaratilayotgan imkoniyatlar, ularning tashabbus va g‘oyalarini qo‘llab-quvvatlash borasida amalga oshirilayotgan ishlar haqida batafsil ma’lumot berildi. Shuningdek, yoshlarning ekologik madaniyatini oshirish, atrof-muhitni asrash, “Yashil makon” loyihalari, suv va tabiiy resurslardan oqilona foydalanish hamda yoshlarning jamiyatdagi faolligini kuchaytirish masalalariga alohida e’tibor qaratildi.

Deputat A. Ergashev tomonidan yoshlarning fikr va takliflari tinglanib, ularni qo‘llab-quvvatlash hamda amaliy yordam ko‘rsatish yuzasidan tavsiyalar berildi.

Xalq deputatlari
Kogon shahar Kengashi
axborot xizmati

Telegram
Instagram
Facebook
Youtube
E-kengash