MAHALLABAY ISHLASH TIZIMI VA KAMBAG‘ALLIKNI QISQARTIRISH CHORALARI O‘RGANILDI

Xalq deputatlari Termiz tuman Kengashi tomonidan joylarda aholi muammolarini o‘rganish va ijtimoiy-iqtisodiy islohotlarning borishini nazorat qilish tadbirlari davom etmoqda.

Navbatdagi o‘rganish ishlari “Qahramon” mahalla fuqarolar yig‘inida olib borildi. Mazkur jarayonda Xalq deputatlari viloyat Kengashi deputati S.Nazarova hamda tuman Kengashi kotibiyati mudiri A.Avliyakulov ishtirok etishdi.

O‘rganish davomida asosiy e’tibor quyidagilarga qaratildi:

Mahalla yettiligi faoliyati: Yettilik a’zolarining o‘zaro hamkorligi va fuqarolar murojaatlari bilan ishlash samaradorligi tahlil qilindi.

Hokim yordamchisi faoliyati: Mahallada tadbirkorlikni rivojlantirish, yangi ish o‘rinlari yaratish va aholi bandligini ta’minlash borasidagi ishlar ko‘zdan kechirildi.

Kambag‘allikni qisqartirish: Aholini kambag‘allikdan chiqarish bo‘yicha amalga oshirilayotgan manzilli ishlar, xususan, "Kambag‘allikdan farovonlikka" dasturi doirasidagi chora-tadbirlar samaradorligi o‘rganildi.

O‘rganish yakunida deputatlar va mas’ullar tomonidan aniqlangan kamchiliklarni bartaraf etish hamda mahalla yettiligi ishini yanada jonlantirish bo‘yicha tegishli tavsiyalar berildi.

Xalq bilan muloqot va manzilli o‘rganishlar davom etadi.Telergram