Hududlarni rivojlantirish borasida belgilangan vazifalar ijrosi samaradorligini yanada oshirish maqsadida, O‘zbekiston Respublikasi Oliy Majlisi Senati Kengashining 2025-yil 15-yanvar kunidagi “Hududlarni rivojlantirish hamda aholi muammolarini hal etishda mahalliy Kengashlar deputatlari va senatorlarning “mahalla yettiligi” bilan o‘zaro hamkorligini yanada kuchaytirish chora-tadbirlari to‘g‘risida”gi KQ-35–V-sonli qarori qabul qilindi. Ushbu qaror ijrosini ta’minlash uchun Xalq deputatlari Muzrabot tumani Kengashi deputatlarining saylov okrugidagi mahalla fuqarolar yig‘inlariga tuman Kengashi deputatlari tasdiqlangan RO‘YXAT bo‘yicha biriktirildi. Shunga asosan tuman Kengashi deputatlari hududlarda “mahalla yettiligi” bilan o‘zaro hamkorlikda deputatlik faoliyatlarini amalga oshirmoqdalar.

Xalq deputatlari Muzrabot tumani Kengashiga 10-Yangiyer saylov okrugidan saylangan deputati Tangirov Tursunqul Xo‘jaqulovich “Yangiyer” mahalla fuqarolar yig‘inida “mahalla yettiligi” bilan suhbat o‘tkazib, har birlarining sohaviy faoliyatlari bilan yaqindan tanishdi.

Jarayonda Deputat “mahalla yettiligi” xodimlari tomonidan aholi muammolarini hal etilishi holatlariga ham e’tibor qildi. Yechimini topmayotgan masalalarni hal etish bo‘yicha tegishli ma’sul tashkilotlarga deputatlik so‘rovlari chiqarish va ijrosi ta’minlanishi yuzasidan choralar ko‘rilishi belgilab olindi.

Shundan so‘ng, deputatning o‘ziga “Yangiyer” mahallasida yashovchi fuqarolar Pirimqulova Nafisa 18-yoshgacha bolalar nafaqasi va Boboqulov Abdurazzoq uy-joy ta’miri masalalari to'g'risida qilgan murojaatlari yuzasidan fuqarolar xonadoniga bordi. Holat bo‘yicha murojaatchlar vajlari deputat tomonidan diqqat bilan o‘rganildi. O‘rganish yakunida fuqarolarga muammoni hal etish to‘g‘risida tegishli tushuntirish va yo‘nalishlarni berdi. Bu bo‘yicha deputatlik nazoratiga olindi.

Shuningdek, O‘zbekiston Respublikasi Prezidentining 2024-yil 28-martdagi “Islom taraqqiyot banki ishtirokida «Qishloq joylarni kompleks rivojlantirish» (2-bosqich) loyihasini amalga oshirish chora-tadbirlari to‘g‘risida”gi PQ-141-sonli qarori asosida Muzrabot tumani “Yangiyer” MFYda amalga oshirilayotgan qurilish, ta’mirlash ishlarining bajarilish holatlari ham deputat tomonidan o‘rganildi.