Xalq deputatlari Toshloq tumani Kengashi deputati R. Matqulov, O‘zbekiston Ekologik partiyasi Toshloq tumani Kengashi raisi O. Nazirxo‘jayev hamda Xonariq MFY raisi R. Mirzayevlar tomonidan Xonariq mahalla fuqarolar yig‘inidagi Xolmatobod oilaviy shifokorlik punktida aholiga o‘z vaqtida va sifatli tibbiy yordam ko‘rsatilishi holati o‘rganildi.

Oilaviy shifokorlik punktida faoliyat yuritayotgan mutaxassislar bilan suhbat tashkil etilib, sog‘liqni saqlash tizimida tibbiy sug‘urtaga o‘tish jarayoni, bu borada amalga oshirilayotgan ishlar, aholining tibbiy madaniyatini oshirish, sog‘lom turmush tarzini targ‘ib qilish, yuqumli va oldini olish mumkin bo‘lgan kasalliklar profilaktikasi masalalari yuzasidan fikr almashildi.

Shuningdek, aholi o‘rtasida piyoda yurish va jismoniy faollikni keng targ‘ib etish orqali sog‘lom turmush tarzini shakllantirish bo‘yicha taklif va tavsiyalar bildirildi.