Deputat uchrashuvi va “Mahalla yettiligi” hamkorligi!

🔹 Xalq deputatlari shahar Kengashi deputati D. Ermatov tomonidan “Bo‘ston” va “Qalacha” mahalla fuqarolar yig‘inlarida aholi bilan uchrashuvlar o‘tkazildi.

🔹 Uchrashuv davomida mahalla yettiligi tomonidan bajarilgan ishlar, amalga oshirilayotgan vazifalar hamda fuqarolar murojaatlari yuzasidan ko‘rilayotgan chora-tadbirlar atroflicha tahlil qilindi.

🔹 Shuningdek, mahallaning ijtimoiy-iqtisodiy holati, infratuzilmani rivojlantirish, yoshlar va xotin-qizlar bilan ishlash, aholi bandligini ta’minlash kabi ustuvor yo‘nalishlar yuzasidan qizg‘in muhokamalar o‘tkazildi. Mavjud muammolarni manzilli hal etish bo‘yicha aniq taklif va vazifalar belgilab olindi.

🔹 Ushbu uchrashuv deputat, mahalla faollari, “mahalla yettiligi” a’zolari va aholi o‘rtasidagi hamkorlikni yanada mustahkamlash, amalga oshirilayotgan ishlar samaradorligini oshirish hamda yangi tashabbuslarni hayotga joriy etishda muhim ahamiyat kasb etdi.