O‘zbekiston Respublikasi Oliy Majlisi Senati Kengashining 2024-yil 4-apreldagi “Mahallalardagi muammolarni hal etishda xalq deputatlari mahalliy Kengashlari deputatlari va senatorlarning “Mahalla yettiligi” bilan o‘zaro hamkorligini yo‘lga qo‘yish chora-tadbirlari to‘g‘risida”gi KQ-706-IV-sonli qarori ijrosini ta'minlash maqsadida Xalq deputatlari Parkent tumani Kengashiga 18-Buloqboshi saylov okrugidan saylangan deputat Karimshikov Sabriddin Azimovich o‘zi saylangan okrugidagi “Bo‘rsiliq” MFY yettiligi bilan uchrashib, mahalladagi bajarilishi lozim bo‘lgan ishlar, xususan aholi bandligini ta`minlash, ko‘cha chiroqlarini yoritish, ko‘makka muxtoj kam ta’minlangan oilalarni ijtimoiy ximoya qilish, ichimlik suvi ta`minotidagi muammolar bo‘yicha suxbatlashildi. S.Karimshikov tomonidan mahallada barcha sohalarda ishlarni to‘gri tashkil qilishda mahalla raisi boshchiligida ish olib borilishi,“Mahalla yettiligi”ning o‘zaro hamkorlikda harakat qilishi muhim ahamiyatga ega ekanligi ta’kidlandi. Tadbir yakunida MFY yettiligi bilan fuqarolarning yechimini kutayotgan muammolari bo‘yicha zarur chora tadbirlar rejasi belgilab olindi.