Bekobod tumani Paxtakor mahallasida qish mavsumiga tayyorgarlik ishlari izchil davom etmoqda.

Aholining sovuq kunlarda uzluksiz issiqlik bilan ta’minlanishini maqsad qilgan holda, Bog‘i baland va Yuksalish ko‘chalariga jami 40 tonna ko‘mir yetkazib berildi. Ushbu chora-tadbirlar qish mavsumida tomorqa va xonadonlarning issiqlik ta’minotini yanada barqarorlashtirishga xizmat qiladi.

Xalq deputatlari Bekobod tumani Kengashi deputati B.Begmatov va mahalla raisi SH.Pozilov bilan birgalikda ko‘mirni aholiga o‘z vaqtida tarqatish, ayniqsa ehtiyojmand oilalarni qo‘llab-quvvatlash bo‘yicha targ'ibot ishlari olib borilmoqda.

Mazkur tashabbus aholining qish faslini betalafat, xavfsiz va qulay sharoitda o‘tkazishiga ko‘mak beradi.