“Умумий ўрта таълим муассасаларида “Омбудсман соати” лойиҳаси доирасида “Ёшларнинг инсон ҳуқуқлари ва эркинликлари соҳасидаги хабардорлигини оширишга қаратилган чора-тадбирлар режаси” асосида Ромитан туманидаги 1-сонли ИДУМда Омбудсманнинг Бухоро вилояти минтақавий вакили А.А.Ҳусейнова томонидан ўқув машғулотлари ўтказилди.
Тадбирда 1-ИДУМ директори ,туман кенгаши депутати Шохиста Ахатовна Мусаева, маънавий-маърифий ишлар бўйича директор ўринбосари,тарих фани укитувчиси Шаҳноза Бадалова, миллий гвардия инспектор психологи Замира Ҳакимова иштирок этишди. А.Хусейнова томонидан Ўзбекистон
Республикаси Олий Мажлисининг Инсон ҳуқуқлари бўйича вакили (омбудсман) фуқаролар ҳуқуқларининг беғараз ва инсонпарвар ҳимоячиси эканлиги тўғрисида
сўзлаб берилди.Шунингдек, ушбу соҳадаги миллий институтлар Инсон ҳуқуқлари бўйича Ўзбекистон Республикаси Миллий маркази, “Болалар омбудсмани” ва “Бизнес омбудсман” ҳақида қисқача сўзлаб берилди. Машғулот интерфаол усулларда олиб борилди. Укувчилар билан савол -жавоблар олиб борилди.