YOSHLAR VA DEPUTATLAR: AMALIY HAMKORLIK YANGI BOSQICHDA
Xalq deputatlari Pastdarg‘om tumani Kengashi huzuridagi Yoshlar maslahati guruhi faoliyatini takomillashtirish va yoshlarning Kengash ishlaridagi ishtirokini kengaytirish maqsadida “Pastdarg‘om tajribasi” doirasida yangi hamkorlik mexanizmi yo‘lga qo‘yilmoqda.
📌 2-tashabbus — “Deputat + yosh” hamkorlik modeli
Mazkur tashabbus doirasida har ikki nafar Kengash deputatiga bir nafar Yoshlar maslahati guruhi a’zosi biriktirilmoqda.
🎯 Ushbu hamkorlik orqali yoshlar deputatlik faoliyatini nazariy emas, balki bevosita amaliy jarayonlarda ishtirok etish orqali o‘rganadi.
Yoshlar quyidagi yo‘nalishlarda deputatlar bilan birga ishlaydi:
🔹 fuqarolar murojaatlarini o‘rganish va tahlil qilish;
🔹 saylovchilar bilan uchrashuvlarda ishtirok etish;
🔹 deputatlik so‘rovlarini tayyorlash jarayonini o‘rganish;
🔹 doimiy komissiyalar faoliyati bilan yaqindan tanishish;
🔹 sessiya kun tartibiga kiritiladigan masalalarni tayyorlashda ishtirok etish;
🔹 hududdagi muammolar bo‘yicha taklif va tashabbuslar ishlab chiqish.
🌱 Asosiy maqsad — yoshlarning jamoatchilik boshqaruvidagi amaliy ko‘nikmalarini shakllantirish, ularning tashabbuslarini qo‘llab-quvvatlash va kelajakdagi faol fuqarolik pozitsiyasini mustahkamlash.
🇺🇿 “Pastdarg‘om tajribasi” — yoshlar uchun imkoniyat, deputatlar uchun yangi hamkorlik, hudud uchun esa yangi tashabbuslar maydoni!