Xalq deputatlari Oltinsoy tumani Kengashining tasdiqlangan kunlik ish rejasiga muvofiq, “Yakkatut” mahallasida qonunchilik hujjatlari ijrosi va Kengash tomonidan berilgan tavsiyalarning bajarilish holatini o‘rganishga qaratilgan deputatlik nazorati tadbiri o‘tkazildi.

Tadbirda Xalq deputatlari Oltinsoy tumani Kengashining 17-“Shakarqamish” saylov okrugidan saylangan deputat Tavasharov Xamro Ziyayevich hamda Kengash kotibiyati bosh mutaxassisi A.Esanov ishtirok etdi.

O‘rganish ishlari maxsus savolnoma asosida tashkil etilib, unda amaldagi qonunchilik hujjatlari ijrosining holati, deputatlik faoliyatining ustuvor yo‘nalishlari bo‘yicha amalga oshirilayotgan ishlar hamda Kengash tomonidan belgilangan tavsiyalarning bajarilishi atroflicha tahlil qilindi.

Xususan, deputatlik faoliyatining tegishli yo‘nalishlari doirasida 162 ta qonunchilik hujjati va 24 ta tavsiyaning ijrosi yuzasidan monitoring olib borildi. Jarayonda belgilangan vazifalarning bajarilish holati, amalga oshirilgan ishlar hamda mavjud muammo va kamchiliklarni aniqlashga alohida e’tibor qaratildi.

Shuningdek, qonunchilik hujjatlari talablariga rioya etilishi, belgilangan vazifalar ijrosini ta’minlash hamda mavjud masalalarni o‘z vaqtida hal etish yuzasidan tegishli holatlar o‘rganildi.

O‘rganish yakunlari bo‘yicha aniqlangan kamchiliklarni bartaraf etish, qonunchilik hujjatlari ijrosini kuchaytirish va berilgan tavsiyalarning samarali bajarilishini ta’minlash yuzasidan tahliliy xulosalar tayyorlash hamda amaliy tavsiyalar ishlab chiqish belgilandi.

Mazkur deputatlik nazorati tadbiri qonunchilik hujjatlari ijrosini tizimli o‘rganish, belgilangan vazifalar bajarilishi ustidan nazoratni kuchaytirish va hududlarda mavjud muammolarni o‘z vaqtida aniqlashga qaratilgan.

✍️Oltinsoy tumani Kengash Kotibiyati Axborot xizmati

📱Telegram|📱Facebook|📱Instagram 🌐E-kengash|📱YouTube🌎oltinsoy.uz