#deputat_faoliyati
#24_ta_tavsiyalar_ijrosi
#haftalik_ish_reja_ijrosi
#kotibiyat_xodimi_faoliyati

Yangiobod MFYdagi suv ishlab chiqarish jarayoni o‘rganildi

Xalq deputatlari Termiz tuman Kengashi 2-Yangi O‘zbekiston saylov okrugi deputati O‘. Omonov Kengash kotibiyati mudiri A. Avliyakulov bilan birgalikda o‘zi saylangan Yangiobod MFY hududidagi texnoparkda faoliyat yuritayotgan suv ishlab chiqarish korxonasi faoliyati bilan tanishdi.

O‘rganish davomida suv ishlab chiqarish jarayoni, mahsulot sifati va aholiga yetkazib berish imkoniyatlariga e’tibor qaratildi. Shuningdek, fuqarolar uchun ichimlik suvining sifatli, xavfsiz va hamyonbop bo‘lishi, kundalik ehtiyojlarni qondirishda mahsulotning mavjudligi hamda aholiga qulaylik yaratish masalalari yuzasidan fikr almashildi.

Mazkur o‘rganishdan ko‘zlangan maqsad — tadbirkorlik faoliyatini qo‘llab-quvvatlash bilan bir qatorda, fuqarolar manfaatlarini ta’minlash va aholini sifatli mahsulotlar bilan ta’minlashga ko‘maklashishdan iborat.