OLTI TOSH MAHALLASIDA KAMBAG‘ALLIKNI QISQARTIRISH VA AHOLI BANDLIGI BO‘YICHA ISHLAR O‘RGANILDI

Xalq deputatlari Namangan shahar Kengashi deputati B. Xalilov, Kengash Kotibiyati bosh mutaxassisi M. Abdulmajidov tomonidan ish rejasida belgilangan vazifalar ijrosi yuzasidan Olti Tosh mahallasida o‘rganish ishlari olib borildi.

O‘rganish davomida mahalladagi hokim yordamchisining kambag‘allikni qisqartirish, aholi bandligini ta’minlash, ishsiz fuqarolarni ishga joylashtirish hamda aholining daromad manbalarini kengaytirish borasida amalga oshirgan va ayni vaqtda olib borayotgan ishlari bilan tanishildi.

Shuningdek, mahalladagi ijtimoiy-iqtisodiy holat, aholi muammolarini aniqlash, ehtiyojmand oilalarni qo‘llab-quvvatlash, fuqarolarni kasb-hunarga o‘rgatish va tadbirkorlik faoliyatiga jalb etish orqali ularning daromadlarini oshirish masalalariga e’tibor qaratildi.

Mazkur o‘rganish Mahalliy Kengash deputati faoliyatining eng muhim 24 ta yo‘nalishi bo‘yicha tavsiyalar, xususan, mahallalarda aholi bandligini ta’minlash va kambag‘allikni qisqartirishga qaratilgan vazifalar hamda Kengashning 162 ta qonun hujjatini doimiy komissiyalar kesimidagi taqsimoti doirasida amalga oshirildi.

Jumladan, “Aholi bandligi to‘g‘risida”gi O‘zbekiston Respublikasi Qonuni (O‘RQ-642-son, 2020-yil 20-oktabr) talablaridan kelib chiqib, aholi bandligini ta’minlash va ish bilan band bo‘lmagan fuqarolarni qo‘llab-quvvatlash masalalari o‘rganildi.

O‘rganish yakunlari bo‘yicha mavjud muammolarni bartaraf etish, aholi bandligini oshirish, kambag‘allikni qisqartirish hamda belgilangan vazifalar ijrosini ta’minlash yuzasidan tegishli taklif va tavsiyalar ishlab chiqishga e’tibor qaratildi.