Xalq deputatlari Bo‘ston tumani Kengashi huzuridagi Ekspert guruhi a’zolari hamda Bo‘ston tumani hokimining o‘rinbosari Y.Abdurahmonov Abu Ali ibn Sino nomidagi salomatlik texnikumida bo‘lib, ta’lim muassasasida o‘quv jarayonining tashkil etilishi, dual ta’lim tizimining yo‘lga qo‘yilishi hamda kuz-qish mavsumiga tayyorgarlik holatini o‘rgandilar.

O‘rganish davomida dual ta’lim asosida tahsil olayotgan o‘quvchilarning nazariy bilimlarini amaliy ko‘nikmalar bilan uyg‘unlashtirish, amaliyot mashg‘ulotlarini tegishli tibbiyot muassasalarida samarali tashkil etish hamda ish beruvchi tashkilotlar bilan hamkorlikni mustahkamlash masalalariga alohida e’tibor qaratildi.

Shuningdek, ta’lim muassasasining kuz-qish mavsumiga tayyorgarlik holati, o‘quvchilar uchun yaratilgan shart-sharoitlar hamda ta’lim jarayonining uzluksizligini ta’minlash masalalari ko‘zdan kechirildi.

O‘rganish yakunlari bo‘yicha aniqlangan kamchiliklarni bartaraf etish, mavjud muammolarni hal qilish hamda o‘quvchilar uchun qulay va xavfsiz ta’lim muhitini yaratish yuzasidan mas’ullarga tegishli topshiriqlar berildi.

Mazkur o‘rganish ta’lim sifati va samaradorligini oshirish, dual ta’lim tizimini takomillashtirish hamda ta’lim muassasasining mavsumiy tayyorgarligini yaxshilashga qaratildi.