🏛 Mang‘itobod mahallasida ishsizlik va kambag‘allikni qisqartirish bo‘yicha deputatlik nazorati
Xalq deputatlari Pastdarg‘om tumani Kengashi deputati Dusmurodov Nodir Nuridinovich tomonidan Mang‘itobod mahallasida ishsizlik va kambag‘allikni qisqartirish, ijtimoiy xizmatlar ko‘rsatish hamda ijtimoiy infratuzilmani yaxshilash bo‘yicha belgilangan vazifalar ijrosi yuzasidan tizimli ishlar olib borilmoqda.
📌 Deputatning faoliyat rejasiga muvofiq, mahalladagi 49 ta ijtimoiy reyestrga kiritilgan oila bilan manzilli ishlash, ularning muammolarini o‘rganish va tegishli tashkilotlar bilan hamkorlikda amaliy choralar ko‘rish belgilangan.
🔹 10 nafar fuqaroga ijtimoiy xizmatlar ko‘rsatish;
🔹 6 nafar fuqaroni ta’lim xizmatlari bilan qamrab olish;
🔹 15 nafar fuqaroga tibbiy xizmatlar ko‘rsatish;
🔹 12 nafar fuqaroni daromadli mehnat bilan ta’minlash;
🔹 5 ta oilaning yashash sharoitini yaxshilash choralarini ko‘rish;
🔹 19 nafar ishsiz fuqaroni doimiy ish o‘rinlariga joylashtirish yoki faoliyatini legallashtirish;
🔹 mikroloyihalarni tashkil etish orqali kamida 20 ta yangi ish o‘rni yaratish;
🔹 uzoq muddat mehnat migratsiyasida bo‘lgan 24 nafar fuqaroning oila a’zolari bilan manzilli ishlash vazifalari belgilangan.
🏗 Shuningdek, mahalla infratuzilmasini yaxshilash, mahallalarni bog‘lovchi avtomobil yo‘lini ta’mirlash, 1 dona transformator punktini mukammal ta’mirlash, ichki ko‘chalarni tozalash va obodonlashtirish hamda ariqlarni tozalash bo‘yicha ishlarning borishi ham deputatlik nazoratiga olingan.
🤝 Mazkur vazifalarning ijrosida mahalla yettiligi, tuman kambag‘allikni qisqartirish va bandlikka ko‘maklashish bo‘limi, “Inson” ijtimoiy xizmatlar markazi, tibbiyot, ta’lim va boshqa mas’ul tashkilotlar bilan hamkorlik yo‘lga qo‘yilgan.
📋 Deputatlik nazorati davomiy ravishda olib borilib, belgilangan vazifalar ijrosi har hafta va har ikki haftalik monitoring asosida o‘rganib boriladi.