Taxiatosh tumanida navbatdagi sayyor qabul o‘tkazildi

Aholi muammolarini joyida o‘rganish va ularga tezkor yechim topish maqsadida tuman hokimi Xalq deputatlari Taxiatosh tumani Kengashiga O‘zbekiston Liberal-demokratik partiyasidan saylangan deputat Sdikov Islambek Muratbaevich ishtirokida fuqarolar uchun sayyor qabul tashkil etildi.

Ochiq va samimiy muloqot tarzida o‘tgan tadbirda hudud aholisi tomonidan infratuzilmani yaxshilash, bandlikni ta’minlash, komunal soha, tibbiy xizmat va boshqa ijtimoiy-iqtisodiy masalalar bo‘yicha ko‘plab murojaatlar kelib tushdi.

Muloqot davomida fuqarolarning muammolari birma-bir tinglanib, ularning aksariyati joyida o‘z yechimini topdi. Qo‘shimcha o‘rganish va vaqt talab etadigan murojaatlar bo‘yicha tegishli mas’ul tashkilot rahbarlariga aniq topshiriqlar berildi va ularning ijrosi tuman rahbarlari tomonidan alohida nazoratga olindi.

Bunday ochiq muloqotlar aholi farovonligini oshirish va aholini qiynayotgan masalalarni tezkor hal etishga xizmat qilmoqda.