O‘zbekiston Respublikasi Prezidentining 2023-yil 21-dekabrdagi PF–209-son Farmonida belgilangan vazifalar ijrosi doirasida mahallalarda aholining ijtimoiy himoyasini ta’minlash, ehtiyojmand oilalarni aniqlash va ularga manzilli yordam ko‘rsatish masalalari deputatlik nazorati asosida o‘rganib borilmoqda.
🔵 Shu maqsadda Xalq deputatlari Parkent tumani Kengashiga 16-“Bodomtepa” saylov okrugidan saylangan deputat Ashirmatova Xurshida Soliyevna tomonidan “Quruqsoy” mahallasida faoliyat olib borayotgan ijtimoiy xodimning ish faoliyati o‘rganildi.
📌 O‘rganish jarayonida mahalladagi ijtimoiy reyestrga kiritilgan oilalarning mavjud muammolari, ularga ko‘rsatilayotgan ijtimoiy xizmatlarning sifati, manzilliligi va amaliy natijalari tahlil qilindi.
📊 Ma’lumotlarga ko‘ra, ayni paytda mahallada 16 ta oila ijtimoiy reyestrda qayd etilgan bo‘lib, ularning 9 tasi Davlat ta’minotidagi oilalar hisoblanadi. Mazkur xonadonlar bilan individual ishlash yo‘lga qo‘yilgan bo‘lib, har bir oilaning ijtimoiy sharoiti va ehtiyojlari alohida o‘rganilmoqda.
📌 Oilalarning muammolarini bartaraf etish maqsadida individual rejalar ishlab chiqilib, mavjud ehtiyojlardan kelib chiqqan holda tegishli ijtimoiy xizmatlar va amaliy yordamlar tashkil etilmoqda.
🔹 Deputatlik nazorati davomida quyidagi yo‘nalishlarga alohida e’tibor qaratildi:
·         ehtiyojmand oilalarni aniqlash va ularning ijtimoiy holatini baholash;
·         reyestrdagi oilalar bilan individual va manzilli ishlash;
·         nogironligi bo‘lgan fuqarolarga zarur ko‘mak ko‘rsatish;
·         yolg‘iz va doimiy ijtimoiy ko‘makka muhtoj fuqarolar holidan xabar olish;
·         og‘ir ijtimoiy vaziyatga tushgan oilalarni qo‘llab-quvvatlash;
·         mavjud muammolarni tegishli tashkilotlar bilan hamkorlikda hal etish;
·         homiylar, xayriya tashkilotlari va jamoatchilik vakillari bilan hamkorlikni kuchaytirish.
🔵 O‘rganish jarayonida ijtimoiy reyestrdagi oilalarga yordam ko‘rsatishda ularning faqat bugungi ehtiyojlarini qondirish emas, balki mavjud muammolarni kelgusida bartaraf etishga qaratilgan chora-tadbirlarni amalga oshirish muhimligi qayd etildi.
📌 Shuningdek, vasiylik va homiylikdagi bolalar, tazyiq va zo‘ravonlikdan jabrlangan xotin-qizlar hamda alohida e’tibor talab qiladigan voyaga yetmaganlar bilan ishlash holati ham nazoratdan chetda qolmasligi ta’kidlandi.
📌 O‘rganish yakunlari bo‘yicha ijtimoiy xizmatlarning samaradorligini oshirish, ehtiyojmand oilalar bilan individual ishlashni kuchaytirish, aniqlangan muammolarni tegishli mutasaddi tashkilotlar bilan hamkorlikda o‘z vaqtida hal etish yuzasidan tegishli tavsiyalar berildi.
🔵 Inson manfaatlari — ustuvor!
🔵 Ijtimoiy himoya — doimiy e’tiborda!
🔥 Har bir xonadon — alohida yondashuvda!