#deputatlik_faoliyati_Uchtepa #162_ta_eng_muhim_qonun

KATTA QANI MAHALLASIDA FUQAROLAR MUROJAATI DEPUTATLIK NAZORATIDA

🇺🇿 Katta Qani mahallasida fuqarolardan kelib tushgan murojaat Xalq deputatlari Uchtepa tumani Kengashining "15-Izza" saylov okrugi deputati Narziyev Akbar Marupovich tomonidan tuman mas’ullari ishtirokida joyiga chiqib o‘rganildi.

📝 Murojaatda mahalla fuqarolari hamda maktab o‘quvchilarining Izza ko‘chasiga tushish yo‘lida, ayniqsa, yog‘ingarchilik vaqtida yomg‘ir suvlarining to‘planib qolishi natijasida piyodalar harakatlanishida noqulayliklar yuzaga kelayotgani bildirilgan.

🕯 O‘rganish davomida mazkur hududdagi mavjud holat, yomg‘ir suvlarini chiqarib yuborish imkoniyatlari, piyodalar harakati uchun xavfsiz va qulay sharoit yaratish hamda muammoni tizimli bartaraf etish masalalariga e’tibor qaratildi.

🗂 Shuningdek, o‘rganish jarayonida O‘zbekiston Respublikasining 2022-yil 22-iyuldagi “Ichimlik suvi ta’minoti va oqova suvlarni chiqarib yuborish to‘g‘risida”gi O‘RQ-784-son Qonunida belgilangan talablar ham inobatga olindi. Mazkur qonun ichimlik suvi ta’minoti va oqova suvlarni chiqarib yuborish sohasidagi munosabatlarni tartibga solish, iste’molchilarning huquq va manfaatlarini himoya qilish hamda xizmatlarning xavfsiz va sifatli ko‘rsatilishini ta’minlashga qaratilgan.

📈 Jumladan, hududlarda fuqarolar murojaatlarida ko‘tarilayotgan kommunal va infratuzilmaviy muammolarni joyiga chiqib o‘rganish, ularning sabablarini aniqlash, mas’ul tashkilotlar bilan hamkorlikda amaliy yechimlarni belgilash hamda ijrosini deputatlik nazorati asosida kuzatib borish masalalariga e’tibor qaratildi.

↗️ O‘rganish davomida tuman hokimi o‘rinbosari Nurali Ismatov tomonidan muammoni bartaraf etish bo‘yicha amalga oshiriladigan ishlar ma’lum qilindi. Unga ko‘ra, Izza ko‘chasida to‘planadigan yomg‘ir suvlarini tegishli yo‘nalish orqali Bo‘zsuv kanaliga oqizish, shuningdek, mahalla aholisi va maktab o‘quvchilarining xavfsiz harakatlanishini ta’minlash maqsadida alohida piyodalar yo‘lagi hamda zinapoyalar barpo etish belgilangan.

📆 Mazkur ishlarni IV chorak yakuniga qadar amalga oshirish rejalashtirilgani bildirildi.

📈 Aniqlangan masalalarni bartaraf etish bo‘yicha belgilangan ishlarning o‘z vaqtida va sifatli amalga oshirilishi, fuqarolar murojaatida ko‘tarilgan muammoning amaliy yechim topishi hamda piyodalar uchun xavfsiz sharoit yaratilishi deputatlik nazoratiga olindi.