Xalq deputatlari Tuproqqalʼa tumani Kengashining «Ijtimoiy soha, yoshlar siyosati, madaniyat va sport masalalari» bo‘yicha doimiy komissiyasi aʼzosi Ziyoda Raximberganova Bazarbayevna va tuman Kengashi deputati Nafisa Qurbonova Raximovnalar sessiya kun tartibiga kiritiladigan masalani sessiya oldidan deputat okrugida ijro vakili bilan birgalikda o‘rganish maqsadida “Kelajak” markazida o‘rganish o‘tkazdilar.
O‘rganish davomida “Kelajak” markazi direktor o‘rinbosari Shermat Boyjanov tomonidan o‘quvchilar uchun tashkil etilgan to‘garaklarga ko‘rsatilayotgan metodik yordam, to‘garaklarda yaratilgan shart-sharoitlar, to‘garak rahbarlarining salohiyati hamda o‘quvchilarning tuman va viloyat miqyosida o‘tkazilayotgan ko‘rgazma va tanlovlarda erishayotgan yutuqlari haqida maʼlumot berildi.
O‘rganish yakunida aniqlangan masala va takliflarni umumlashtirib, Kengash kotibiyatiga taqdim etish belgilandi.