🇺🇿Kambag‘allik reyestridagi oilalar bilan olib borilayotgan manzilli ishlar tahlil qilindi

🇺🇿Xalq deputatlari Uzun tumani Kengashidagi “18-Oqostona” saylov okrugi deputati Kamolov Azamjon Sobirjonovich hamda Kengash kotibiyat bosh mutaxassisi Shaxnoza Ergashevalar tomonidan saylov okrugi hududidagi Oqostona mahallasida navbatdagi o‘rganish ishlari olib borildi.


O‘rganish davomida mahallalardagi hokim yordamchilari, ijtimoiy xodimlar hamda xotin-qizlar faollari bilan birgalikda kambag‘allik reyestriga kiritilgan oilalarni reyestrdan chiqarish borasida amalga oshirilayotgan ishlar atroflicha muhokama qilindi.

Jarayonda har bir oilaning mavjud muammolarini o‘rganish, ularni hal etish bo‘yicha aniq chora-tadbirlarni belgilash hamda oilalarning daromad manbalarini oshirish orqali kambag‘allikdan chiqarishga qaratilgan manzilli ishlarni kuchaytirishga alohida e’tibor qaratildi.

📁 Mazkur o'rganish mahalliy Kengash deputati faoliyatining eng muhim 24 ta tavsiyasi hamda Kengashning haftalik ish rejasi doirasida tashkil etilib, o‘rganish yakunlari bo‘yicha mas’ullarga tegishli vazifalar belgilanib, amalga oshirilayotgan ishlarning natijadorligini ta’minlash yuzasidan tegishli tavsiyalar berildi.