Amudaryoda deputatlar mahalla institutini rivojlantirish va jamg‘arma mablag‘larining sarflanishini o‘rgandilar

Xalq deputatlari Amudaryo tuman Kengashi deputati, Kengash kotibiyati mudiri Mansur Urazbayev hamda "Adolat" SDP va O‘zbekiston Ekologik partiyasi tuman Kengashlari rahbarlari hamkorlikda biriktirilgan tashkilot — O‘zbekiston mahallalar uyushmasi Amudaryo tuman bo‘limida bo‘ldilar.

O‘rganishlar Kengash ish rejasiga muvofiq navbatdagi sessiya kun tartibiga kiritilgan muhim masalaga bag‘ishlandi. Zero, bo‘lajak sessiyada tuman bo‘limi rahbarining:
“Mahallaning ijtimoiy-iqtisodiy muammolarini hal etish jamg‘armasi” daromadlari va xarajatlari ijrosi;

Mahalla institutini rivojlantirishga qaratilgan farmon va qarorlarning tumandagi ijrosi to‘g‘risidagi hisoboti tinglanishi rejalashtirilgan.

Sessiya oldi o‘rganish jarayonida deputatlar va partiya vakillari jamg‘arma mablag‘larining maqsadli va samarali yo‘naltirilishi, mahallalardagi ijtimoiy-iqtisodiy masalalarning hal etilishi hamda sohada amalga oshirilayotgan islohotlarning natijadorligiga alohida e’tibor qaratdilar.