🏛 Xalq deputatlari Shovot tumani Kengashi deputati, “Mahalliy budjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiyasi raisi Dosova Gulxumar Kuranbayevna hamda Kengash kotibiyati bosh mutaxassisi U. Ro‘zmetov tomonidan fuqarolarning murojaatlari o‘rganildi.
⚖️ O‘rganish ishlari “Jismoniy va yuridik shaxslarning murojaatlari to‘g‘risida”gi O‘zbekiston Respublikasi Qonuni (O‘RQ-445) talablari asosida amalga oshirildi.
📍 Asavey mahallasida yashovchi fuqarolarning murojaatlarida, asosan:
🛣 mahallaning ichki ko‘chalarini obodonlashtirish;
💧 ichimlik suvining o‘z vaqtida yetib kelmasligi bilan bog‘liq masalalar ko‘tarilgan.
🔎 O‘rganish davomida fuqarolar tomonidan bildirilgan muammolar joyiga chiqqan holda ko‘rib chiqilib, ularning kelib chiqish sabablari hamda amaliy yechimlari yuzasidan tegishli ma’lumotlar o‘rganildi.
🤝 Murojaatlarda ko‘tarilgan masalalarni ijobiy hal etish, hududdagi obodonlashtirish ishlarini yaxshilash hamda aholini ichimlik suvi bilan barqaror ta’minlash bo‘yicha mas’ul tashkilotlar bilan hamkorlikda tegishli choralar ko‘rish belgilandi.
📌 Fuqarolar murojaatlarida ko‘tarilgan masalalarning ijrosi deputatlik nazorati asosida kuzatib boriladi.