💻 Taxiatosh — intellektual iqtisodiyot yo‘nalishidagi yangi imkoniyatlar sari

Xalq deputatlari Taxiatosh tumani Kengashiga O‘zbekiston Liberal-demokratik partiyasidan saylangan deputat Sdikov Islambek Muratbaevich Prezident Shavkat Mirziyoyevning Qoraqalpog‘istonga tashrifi davomida Taxiatosh uchun belgilangan yangi iqtisodiy imkoniyatlar yuzasidan o‘z munosabatini bildirdi.

💬 “Qoraqalpog‘istonni rivojlantirish bo‘yicha belgilangan yangi vazifalar orasida Taxiatoshga daxldor bo‘lgan yo‘nalishlar ham borligi biz uchun alohida ahamiyatga ega.

Qo‘ng‘irot–Qorao‘zak–Taxiatosh yo‘nalishini “yashil sanoat yo‘lagi” va “intellektual iqtisodiyot uchburchagi”ga aylantirish bo‘yicha belgilangan vazifalar hududimizning iqtisodiy salohiyatidan yanada samarali foydalanish uchun yangi imkoniyatlar yaratadi. (president.uz)

Ayniqsa, sun’iy intellekt va data-markazlar yo‘nalishidagi loyihalarning rivojlantirilishi Taxiatosh uchun yangi bosqichni anglatadi. Kelgusida Taxiatosh, Nukus, Qo‘ng‘irot va Qorao‘zak hududlarida 1,5 mingta yuqori daromadli ish o‘rni yaratilishi ko‘zda tutilayotgani yoshlarimiz uchun ham katta imkoniyatdir. (president.uz)

Bugun zamonaviy texnologiyalar, raqamli iqtisodiyot va yuqori malakali mutaxassislarga bo‘lgan ehtiyoj tobora ortib bormoqda. Shu sababli yangi loyihalar bilan bir qatorda, yoshlarni zamonaviy kasblarga o‘qitish va ularning ushbu sohalarda ishlashi uchun zarur ko‘nikmalarini shakllantirish ham muhim.

Taxiatosh uchun yaratilayotgan bu imkoniyatlar — yangi investitsiyalar, zamonaviy ish o‘rinlari va yoshlar uchun yangi kasbiy istiqbollar demakdir. Eng muhimi, belgilangan vazifalarni joylarda amaliy natijaga aylantirishdir.”

— Sdikov Islambek Muratbaevich
Xalq deputatlari Taxiatosh tumani Kengashiga O‘zbekiston Liberal-demokratik partiyasidan saylangan deputat.