#haftalik_ish_reja_ijrosi
#24_ta_tavsiyalar_ijrosi
#9_band

Bandixon tumanida deputatlik nazorati: 39-sonli oilaviy shifokorlik punkti filialida bepul dori-darmon ta’minoti o‘rganildi

✅Bandixon tumanida aholiga ko‘rsatilayotgan birlamchi tibbiy-sanitariya yordami sifatini oshirish hamda ehtiyojmand qatlamni kafolatlangan dori vositalari bilan ta’minlash borasida tizimli deputatlik nazorati amalga oshirilmoqda.

✅Xalq deputatlari Bandixon tuman Kengashining 16-"Qaldirg‘och" saylov okrugi deputati D.Qudratovga biriktirilgan tuman Kengashi kotibiyati bosh mutaxassisi B.Qurbonov "Qaldirg‘och" mahallasidagi 39-sonli oilaviy shifokorlik punkti filialida bo‘lib, nazorat-tahlil tadbirini o‘tkazdi.

✅Mazkur o‘rganish Oliy Majlis Senati tomonidan mahalliy Kengash deputatlari faoliyati uchun tasdiqlangan "Eng muhim 24 ta yo‘nalish"ning 9-bandi ("Bepul beriladigan dorilar bilan ta’minlash holati") ijrosini ta’minlash doirasida tashkil etildi.

✅Monitoring jarayonida dispanser nazoratida turuvchi bemorlar, keksalar, homilador ayollar va bolalarga ajratilgan dori vositalarining zaxirasi, saqlash shart-sharoitlari hamda elektron retseptlar orqali manzilli tarqatilish holati tahlil qilindi.

✅Tashrif yakunida aniqlangan kamchiliklarni bartaraf etish, dorilar zaxirasini doimiy ravishda to‘ldirib borish va aholiga birlamchi tibbiy xizmat ko‘rsatish sifatini yanada yaxshilash yuzasidan shifokorlik punkti mas’ullariga tegishli amaliy tavsiya va ko‘rsatmalar topshirildi.

🌎Xalq deputatlari Bandixon tuman