Mahallalarda ijtimoiy qo‘llab-quvvatlash ishlari o‘rganildi

Davlatimiz rahbari topshiriqlari ijrosi doirasida yagona ijtimoiy reyestrga kiritilgan oilalarni qo‘llab-quvvatlash va ularni kambag‘allikdan chiqarish bo‘yicha ishlar o‘rganildi.

Termiz tumani hokimi Shuxrat Kalandarov va tuman prokurori Yodgor Bozorov rahbarligida “Muhiddin Eshtemirov” mahallasida xonadonbay o‘rganishlar o‘tkazilib, fuqarolarning muammolari tinglandi.

O‘rganishlarda ayrim oilalarning bandligini ta’minlash, farzandlarini bog‘cha va to‘garaklarga joylashtirish, davolanishi hamda zarur xarajatlarini qoplash bo‘yicha amaliy choralar belgilandi.

Mazkur jarayonda Xalq deputatlari Termiz tuman Kengashi kotibiyati mudiri, hudud deputati A. Avliyakulov ham ishtirok etib, fuqarolar murojaatlari va muammolarini o‘rganishda faol qatnashdi.

Belgilangan vazifalar ijrosi deputatlik nazoratiga olindi.