Bandixon tumanida deputatlik nazorati: "Bahoriston" mahallasida "Mahalla yettiligi" faoliyati tahlil qilindi

Bandixon tumanida mahalliy Kengash deputatlarining quyi bo‘g‘in tuzilmalari bilan hamkorligini kuchaytirish, hududlarni rivojlantirish dasturlari ijrosini ta’minlash hamda aholi murojaatlarini hal etish borasida tizimli o‘rganishlar olib borilmoqda.

Xalq deputatlari Bandixon tumani Kengashining 14-Bahoriston saylov okrugi deputati S.Jumayev hamda tuman Kengashi bosh mutaxassisi B.Qurbonov "Bahoriston" mahallasida bo‘lib, “Deputat va Mahalla yettiligi hamkorligi” doirasida navbatdagi nazorat-tahlil tadbirini o‘tkazdilar.

Deputatlik faoliyatining “24 ta eng muhim yo‘nalishi”ga asosan tashkil etilgan o‘rganish jarayonida hokim yordamchilari, xotin-qizlar faollari va ijtimoiy xodimlarning ish faoliyati atroflicha ko‘rib chiqildi. Xususan, tadbirkorlikni rivojlantirish, kambag‘allikni qisqartirish, ishsiz xotin-qizlar bandligini ta’minlash hamda ijtimoiy himoyaga muhtoj qatlamlarga xizmat ko‘rsatish holati tahlil qilindi.

Tashrif davomida aniqlangan masalalar deputat tomonidan o‘zining murojaatlar daftariga qayd etilib, kelgusida ularni hal etish choralari belgilandi.

Shuningdek, mahalliy mas’ullarga faoliyat samaradorligini yanada oshirish bo‘yicha tegishli tavsiya va ko‘rsatmalar berildi.