#haftalik_ishlar_muhokamasi

21–25 SENTABR KUNLARIDAGI MUHIM VAZIFALAR MUHOKAMA QILINDI

Xalq deputatlari Kogon shahar Kengashi kotibiyatida 21–25-sentabr kunlari amalga oshiriladigan ustuvor vazifalar yuzasidan yig‘ilish o‘tkazildi.
Yig‘ilish Sh. Isamutdinov rahbarligida, mutaxassis Z. Temirova ishtirokida tashkil etildi.

Unda hafta davomida amalga oshiriladigan ishlarni tizimli tashkil etish, deputatlik faoliyatini muvofiqlashtirish, qonunchilik hujjatlarida belgilangan vazifalarni o‘rganish hamda ularning ijrosini tahlil qilish masalalari muhokama qilindi.

Asosiy e’tibor Kengashning navbatdagi sessiyasini tashkiliy va huquqiy jihatdan puxta tayyorlashga qaratildi. Sessiya kun tartibiga kiritiladigan masalalarni belgilangan tartibda shakllantirish, tegishli ma’lumot va hujjatlarni tayyorlash, masalalarni doimiy komissiyalarda dastlabki muhokamadan o‘tkazish hamda deputatlarni sessiya materiallari bilan o‘z vaqtida ta’minlash bo‘yicha vazifalar belgilandi.

Shuningdek, sessiyada ko‘rib chiqiladigan masalalar yuzasidan tegishli tashkilotlar tomonidan taqdim etiladigan hisobot va axborotlarni o‘rganish, ularning mazmun-mohiyatini tahlil qilish, zarur hollarda qo‘shimcha ma’lumotlarni shakllantirish hamda deputatlarning taklif va mulohazalarini inobatga olish masalalariga alohida e’tibor qaratildi.

Hafta davomida 19¹-modda bo‘yicha o‘rganishlarni tashkil etish, deputatlik nazoratini amalga oshirish, saylov okruglarida aniqlangan muammolarni tizimli o‘rganish hamda fuqarolar murojaatlari bilan ishlash samaradorligini oshirish bo‘yicha ham aniq vazifalar belgilandi.

Yig‘ilish yakunida sessiyaga tayyorgarlik jarayonlarini belgilangan muddatlarda yakunlash, hujjatlarni sifatli shakllantirish, mas’ullar faoliyatini muvofiqlashtirish va ijro intizomini ta’minlash yuzasidan tegishli topshiriqlar berildi.

🟦🟦🟦🟦🟦🟦

Telegram . Instagram . Facebook . Youtube . E-kengash