DEPUTATLIK NAZORATI: VOYAGA YETMAGANLAR BILAN ISHLASHGA E’TIBOR
Xalq deputatlari Pastdarg‘om tumani Kengashining Ijtimoiy soha, yoshlar siyosati, madaniyat va sport masalalari bo‘yicha doimiy komissiyasi tomonidan voyaga yetmaganlar bilan ishlash, ularning huquq va manfaatlarini himoya qilish hamda tarbiyaviy ishlarni samarali tashkil etish masalasi o‘rganilmoqda.
Shu munosabat bilan doimiy komissiya raisi Ochilov Jamshid Ubaydullayevich tomonidan tuman hokimi o‘rinbosari S. Xamrayevga rasmiy so‘rov yuborildi.
So‘rovda O‘zbekiston Respublikasi Vazirlar Mahkamasining 2021-yil 3-iyundagi 339-son qarori bilan tasdiqlangan “Voyaga yetmagan shaxslarga jamoat tarbiyachilarini tayinlash tartibi to‘g‘risida”gi nizom talablari asosida tumanda ushbu yo‘nalishda amalga oshirilgan ishlar, mavjud holat va natijalar haqida ma’lumot taqdim etish so‘ralgan.