#Deputatlik_nazorati #Kotibiyat_hududlarda #muammoga_yechimlar #ekspert_guruhlari #partiya_guruhlari

Fuqarolar murojaati — deputat nazoratida

🇺🇿 Xalq deputatlari Uchtepa tumani Kengashidagi O‘zLiDeP deputatlik guruhi a'zosi, “3-Istirohat” saylov okrugi deputati Xalmatov Bobur Baxodirovich tomonidan Istirohat mahalla fuqarolar yig‘inida mahalla raisi, faollari hamda tegishli mas’ullar ishtirokida navbatdagi uchrashuv o‘tkazildi.

📇 Uchrashuv davomida mahalla faollari tomonidan hududdagi mavjud muammolar, aholi uchun qulay va xavfsiz shart-sharoitlarni ta’minlash, obodonlashtirish hamda hudud tartibini yaxshilash bo‘yicha bir qator masalalar ko‘tarildi.

⚠️ Xususan, Istirohat ko‘chasining oxirgi aylanma harakatlanish qismiga yaqin hududda yashil maydon o‘rtasidan ayrim avtotransport vositalari haydovchilari tomonidan noqonuniy ravishda harakat yo‘nalishi sifatida foydalanilayotgani ta’kidlandi.

📊 Mazkur holat, bir tomondan, yashil hududning zararlanishiga sabab bo‘layotgan bo‘lsa, ikkinchi tomondan, ushbu hududda istiqomat qilayotgan fuqarolar, ayniqsa, piyodalar uchun noqulaylik va xavfsizlik bilan bog‘liq muammolarni yuzaga keltirayotgani qayd etildi.

📈 Fuqarolarning murojaatini e’tiborsiz qoldirmagan deputat ekspert guruhi a'zolari hamda ishchi guruh bilan birgalikda masalani joyiga chiqib o‘rgandi. O‘rganish davomida mavjud holat ko‘zdan kechirilib, muammoning oldini olish va yashil hududni asrab-avaylash bo‘yicha tegishli choralarni ko‘rish zarurligi belgilandi.

📝 Shundan so‘ng tuman Obodonlashtirish boshqarmasi mas’ullari bilan bog‘lanilib, mazkur hududning kirish va chiqish qismlarini maxsus bordyur to‘siqlar yordamida yopish, shu orqali avtotransport vositalarining yashil maydon orqali harakatlanishiga yo‘l qo‘ymaslik bo‘yicha tegishli ko‘rsatmalar berildi. Eng muhimi, deputatlik faoliyatida fuqarolar bilan bevosita muloqot qilish, muammoni joyiga chiqib o‘rganish va uning amaliy yechimini ta’minlash ustuvor vazifalardan biri bo‘lib qolmoqda.

↗️ Bunday amaliy ishlar mahallalarda obodonlashtirish darajasini oshirish, yashil hududlarni asrab-avaylash, piyodalar uchun qulay muhit yaratish hamda aholining kundalik hayotiga ta’sir qilayotgan masalalarni o‘z vaqtida hal etishga xizmat qiladi.