Xalq deputatlari Andijon shahar Kengashi Korrupsiyaga qarshi kurashish va xavfsizlik masalalari bo‘yicha doimiy komissiyasi raisi Avazbek Appaqov, Kengash kotibiyati bosh mutaxassisi Sh. Yusupov hamda Andijon shahar Ekologiya bo‘limi boshlig‘i M. Mo‘minov va mas’ul xodimi bilan suhbat o‘tkazildi.

Suhbat davomida shahar Kengashi deputatlari tomonidan yuborilgan deputat so‘rovlarining ijro muddatlari o‘tib ketayotganligi sababli, ularning ijrosini bugunning o‘zida ta’minlash bo‘yicha zarur choralarni ko‘rish masalasiga alohida e’tibor qaratildi.

Deputat so‘rovlarining o‘z vaqtida va sifatli ijro etilishi fuqarolar murojaatlarini hal etish hamda deputatlik nazoratini samarali tashkil etishda muhim ahamiyatga ega.