Xalq deputatlari Bekobod shahar kengashi raisi, 17-“Nurliyo‘l” saylov okrugi deputati J.Dushabayevga biriktrilgan kotibiyat bosh mutaxassisi u.abdunazarov tomonidan “Nurliyo‘l” mahallasida jinoyatchilikka qarshi kurashish holati bo‘yicha olib borilayotgan
ishlar o‘rganildi. Profilaktika inspektori A.Axmurodov va “mahalla yettiligi” a’zolari tomonidan “og‘ir” toifadan chiqarish bo‘yicha bir qator ishlar amalga oshirilgan. Jumladan, 45 dona mahalla hududini gavjum va chekka joylariga kuzatuv kameralari
o‘rnatilgan bo‘lib, kameralar shahar IIB bilan integratsiya qilingan. Tashvish tugmalari o‘rnatilgan, kiberjinoyat turlaridan ogoh etish maqsadida targ‘ibot ishlari olib borilmoqda. Bugungi kunda qo‘shimcha ravishda 15 dona kuzatuv kameralarini o‘rnatish,
Turon ko‘chasiga 20 dona, Yoshlik ko‘chasiga 10 dona tungi yoritish chiroqlari o‘rnatishga ehtiyoj mavjuddir. Ushbu muammolarni hal etish yuzasidan shahar Obodonlashtirish boshqarmasiga Deputatlik so‘rovi bilan chiqishga kelishib olindi.