Tibbiy xizmatlar sifati - Fuqarolar murojaatlari — deputat e’tiborida

Xalq deputatlari Termiz tuman Kengashi 7-“Qahramon” saylov okrugi deputati S. Xakimov Qahramon MFY hududidagi oilaviy poliklinika va ko‘chalarda fuqarolar bilan uchrashib, ularning fikr-mulohazalarini o‘rgandi.

O‘rganish davomida tuman tibbiyot birlashmasi tomonidan aholiga ko‘rsatilayotgan tibbiy xizmatlar sifati yuzasidan fuqarolarning fikrlari so‘rab-surishtirildi.

Fuqarolar bilan suhbatlar davomida tibbiy xizmatlardan foydalanish holati, shifokorlar va tibbiyot xodimlarining xizmat ko‘rsatishi, mavjud qulayliklar hamda aholining taklif va mulohazalari tinglandi.

Shuningdek, uchrashuvlar davomida aholining kundalik hayotida uchrayotgan masalalar, hududdagi mavjud muammolar hamda ularni hal etish bo‘yicha fuqarolarning takliflari o‘rganildi.

Aniqlangan masalalar yuzasidan tegishli tashkilotlar bilan hamkorlikda ish olib borish va aholiga ko‘rsatilayotgan tibbiy xizmatlar sifatini yanada yaxshilashga qaratilgan choralar belgilandi.

Aholi fikri — deputatlik nazoratining muhim mezoni!