Deputat fuqarolar bilan uchrashuv o'tkazdi

Xalq deputatlari Termiz tuman Kengashi 4-Yangihayot saylov okrugi deputati G. Shafoatovaning fuqarolar bilan uchrashuvi davomida hudud aholisini qiynayotgan dolzarb masalalar muhokama qilindi.

Xususan, fuqarolar tomonidan maktabga olib boruvchi katta avtomobil yo‘lidan ta'lim muassasasigacha piyodalar yo‘lakchasini barpo etish zarurligi ta'kidlandi. Shuningdek, yaqinda ta'mirlangan ichki yo‘lda transport vositalari yuqori tezlikda harakatlanayotgani sababli maktabga qatnovchi o‘quvchilar hayoti va sog‘lig‘i uchun xavf tug‘dirayotgani qayd etildi.

Shu munosabat bilan maktab hududidan o‘tuvchi ichki yo‘lning maktab boshlanish va tugash qismida transport vositalari tezligini cheklash maqsadida sun'iy notekisliklar (tezlikni pasaytiruvchi tepaliklar) barpo etish yuzasidan fuqarolar tomonidan murojaat bildirildi.

Mazkur murojaat deputat tomonidan nazoratga olinib, masalani tegishli mutasaddi tashkilotlar bilan hamkorlikda o‘rganish va amaliy yechim topish bo‘yicha tegishli choralar ko‘rilishi belgilandi.

Uchrashuv yakunida Xalq deputatlari Termiz tuman Kengashi kotibiyati mutaxassisi K. Abdullayeva tomonidan deputatning 2026-yilning birinchi yarim yilligida amalga oshirgan faoliyati, ko‘rib chiqilgan murojaatlar hamda bajarilgan ishlar yuzasidan batafsil axborot taqdim etildi.