Xalq deputatlari Termiz shahar Kengashi raisi, 9-“Abdulla Avloniy” saylov okrugi deputati D.Normuradova hamda Kengash kotibiyati bosh mutaxassisi R.Mamashukurovlar okrug hududiga qarashli “Farxod” mahallasida bo‘lib, aholi vakillari bilan bevosita suhbatlashdilar.
Uchrashuv davomida mahalla aholisi bilan hududdagi mavjud muammolar, kundalik hayotda uchrayotgan masalalar, ijtimoiy ehtiyojlar hamda hududni yanada obod va farovon qilish bilan bog‘liq takliflar yuzasidan fikr almashildi.
Mazkur muloqot mahalliy Kengash deputatlari faoliyatining eng muhim 24 ta yo‘nalishi doirasida tashkil etilib, belgilangan ustuvor vazifalar ijrosi holati ham muhokama qilindi. Xususan, aholi murojaatlari bilan ishlash, ijtimoiy himoyaga muhtoj fuqarolarni qo‘llab-quvvatlash, bandlikni ta’minlash, mahalla infratuzilmasini yaxshilash va fuqarolar manfaatlarini himoya qilish masalalariga alohida e’tibor qaratildi.
Fuqarolar tomonidan bildirilgan murojaat, taklif va muammolar diqqat bilan tinglanib, ularning har biri deputatning murojaatlar daftariga belgilangan tartibda qayd etildi. Murojaatlarni o‘rganish, masalalarning yechimini ta’minlash va zarur hollarda tegishli tashkilotlarga yo‘naltirish bo‘yicha tegishli choralar ko‘rish belgilandi.
Bunday bevosita uchrashuvlar deputatning saylovchilar oldidagi mas’uliyatini yanada kuchaytirish, hududdagi muammolarni o‘z vaqtida aniqlash, fuqarolar bilan ochiq va samimiy muloqotni yo‘lga qo‘yish hamda murojaatlarning amaliy yechimini ta’minlashda muhim ahamiyat kasb etadi.
Saylovchi bilan muloqot — muammoni aniqlash, nazorat va amaliy yechim — deputatlik faoliyatining muhim mezonidir.