Xalq deputatlari Pastdarg‘om tuman Kengashi deputati tomonidan Olmazor mahalla fuqarolar yig‘inidagi TP-2882 transformator punktining texnik holati va yuklama darajasini o‘rganish hamda elektr ta’minotini yaxshilash yuzasidan yuborilgan deputatlik so‘roviga Pastdarg‘om tuman elektr ta’minoti korxonasi tomonidan rasmiy javob taqdim etildi.

Mutaxassislar tomonidan olib borilgan o‘rganishlar natijasida TP-2882 transformator punktining mavjud quvvati hudud aholisining ortib borayotgan elektr energiyasiga bo‘lgan ehtiyojini to‘liq qoplay olmayotgani, yuklama me’yoriy ko‘rsatkichlardan yuqori ekani aniqlandi.

Shu munosabat bilan, Olmazor MFY hududida TP-2882 transformator punktiga qo‘shimcha 160 kVA quvvatga ega komplekt transformator podstansiyasi (KTPS-160/10 kV) o‘rnatish bo‘yicha texnik taklif ishlab chiqildi.