🏛 Xalq deputatlari Yangiariq tumani Kengashining Mahalliy byudjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiyasi yig‘ilishi bo‘lib o‘tdi.

📋 Yig‘ilish davomida tumanning moliyaviy barqarorligini ta’minlash, mahalliy byudjet mablag‘laridan oqilona foydalanish, budjet daromadlarini oshirish hamda iqtisodiy islohotlar ijrosiga oid muhim masalalar atroflicha muhokama qilindi.

🗂 Kun tartibidagi asosiy masalalar:
🔹 Tuman mahalliy byudjetining qo‘shimcha manbalari hisobidan budjet tashkilotlari va budjetdan mablag‘ oluvchilarga mablag‘ ajratish;
🔹 Davlat soliq inspeksiyasi boshlig‘ining 2026-yil II chorak davomida budjet daromadlarini ta’minlash borasida amalga oshirilgan ishlar yuzasidan hisoboti;
🔹 Tuman iqtisodiyot va moliya bo‘limining mahalliy budjet parametrlarining ijrosi bo‘yicha II chorak yakunlari hisoboti;
🔹 O‘zbekiston Respublikasi Prezidentining PQ-410-sonli qarori ijrosining Yangiariq tumanida amalga oshirilishi holati.

💬 Yig‘ilishda kun tartibidagi masalalar yuzasidan mutasaddilarning axborotlari tinglanib, deputatlar tomonidan taklif va mulohazalar bildirildi. Aniqlangan kamchiliklarni bartaraf etish, budjet mablag‘laridan samarali foydalanish hamda belgilangan vazifalarning o‘z vaqtida va sifatli ijrosini ta’minlash yuzasidan tegishli tavsiyalar va topshiriqlar berildi.

✅ Mahalliy byudjetning ochiqligi va shaffofligini ta’minlash, tadbirkorlikni qo‘llab-quvvatlash hamda iqtisodiy islohotlarni izchil amalga oshirish doimiy komissiyaning ustuvor yo‘nalishlaridan biri bo‘lib qolmoqda.

#Yangiariq #XalqDeputatlari #DoimiyKomissiya #MahalliyByudjet #IqtisodiyIslohotlar #Tadbirkorlik #OchiqByudjet #DeputatlarFaoliyati