24-“Abdurahmon Jomiy” saylov okrugi hududidagi 14-sonli umumta’lim maktabiga olib boruvchi ichki yo‘l uzoq vaqt davomida ta’mirtalab ahvolda bo‘lib, o‘quvchilarning maktabga qatnashi va avtotransport vositalari harakati uchun jiddiy noqulayliklar tug‘dirayotgan edi.

💬Deputat A.Tog‘aymuratov mazkur holat yuzasidan 65-ds-408-26-sonli deputatlik so‘rovini yuborgan edi.

💬Termiz shahar hokimligi tomonidan deputatlik so‘rovi atroflicha o‘rganilib, yo‘lni ta’mirlash yuzasidan tegishli choralar belgilandi. Bugungi kunda mazkur ichki yo‘l sifatli ta’mirlanib, aholi uchun xavfsiz hamda qulay holatga keltirildi.

💬"Saylovchilarimizning murojaatlari biz uchun bevosita qo‘llanma hisoblanadi. 14-maktab yo‘lining ta’mirlanishi — bu nafaqat yo‘lning yaxshilanishi, balki yuzlab bolajonlarning xavfsiz ta’lim olishi uchun yaratilgan imkoniyatdir," — deydi deputat A.Tog‘aymuratov.

🫥Deputatlik nazorati va mutasaddi tashkilotlar bilan hamkorlikda muammolarni ijobiy hal etish bo‘yicha ishlar izchil davom ettiriladi.