#162_ta_Qonunlar_ijrosi
#24_ta_tavsiyalar_ijrosi

BANDIXON TUMANIDA QONUNLAR IJROSI VA TAVSIYALAR BAJARILISHI YUZASIDAN O‘RGANISH O‘TKAZILDI

Xalq deputatlari Bandixon tumani Kengashi raisi E. Jurayev tomonidan Bandixon tumani Maktabgacha va maktab ta’limi bo‘limida qonunlar ijrosi hamda berilgan tavsiyalar bajarilish holatini o‘rganish yuzasidan nazorat-tahlil tadbiri o‘tkazildi.

Mazkur o‘rganish jarayonida Maktabgacha va maktab ta’limi bo‘limi faoliyatida amaldagi qonunchilik hujjatlari ijrosi, xalq deputatlari tuman Kengashi tomonidan berilgan tavsiyalarning bajarilishi, ta’lim sifatini oshirish, ijro intizomini mustahkamlash hamda mavjud muammolarni bartaraf etish bo‘yicha amalga oshirilayotgan ishlar tahlil qilindi.

O‘rganish savolnoma asosida olib borilib, 162 ta qonun hujjati ijrosi hamda 24 ta tavsiyaning bajarilish holati ko‘rib chiqildi.

Jarayon davomida aniqlangan masalalar yuzasidan mas’ullarga tegishli tavsiyalar va ko‘rsatmalar berildi.

Nazorat-tahlil tadbirlaridan asosiy maqsad — qonunlarning joylarda to‘liq va sifatli ijro etilishini ta’minlash, ta’lim tizimida samaradorlikni oshirish hamda fuqarolar manfaatlariga xizmat qiladigan ishlarni yanada takomillashtirishdan iborat.