Xalq deputatlari Jondor tumani Kengashiga 1-Tinchlik saylov okrugidan saylangan deputat I.Xolovga Tinchlik mahallasi fuqarolar yig‘ini Nurafshon ko‘chasi oqsoqoli boshchiligidagi bir guruh faollar tomonidan murojaat qilindi.
🔹Murojaatda aholi tomorqa yerlarini sug‘orishga mo‘ljallangan ariqlarning betonlashtirilmaganligi sababli yaroqsiz holga kelgani, suv yo‘li mavjud emasligi oqibatida “Yashil makon” umummilliy loyihasi doirasidagi ishlarga salbiy ta’sir ko‘rsatayotgani hamda mavjud daraxtlar qurib borayotgani ta’kidlandi. Shuningdek, Beruniy va Terakzor ko‘chalaridagi umumfoydalanuvdagi hojatxonalarning sanitariya-gigiyena holati va ularga olib boruvchi yo‘laklarning yo‘qligi ham ko‘tarilgan masalalardan biri bo‘ldi.
🔹Mazkur muammolarni bartaraf etish va ularning ijobiy yechimini ta’minlash maqsadida deputat tomonidan tuman hokimi o‘rinbosari X.Bafoyev nomiga deputat so‘rovi yuborilib, mas’ul tashkilotlar tomonidan amaliy choralar ko‘rish so‘raldi.