Xalq deputatlari Boyovut tumani Kengashi deputatlari X.Berdiyarova hamda K.Karimovalar tomonidan "Olmazor" mahallasi Nosir Mahmudov qishlog‘ida joylashgan "Yangi kun" ko‘chasida tuman Obodonlashtirish boshqarmasi tomonidan amalga oshirilayotgan shag‘allantirish ishlari joyiga chiqib ko‘zdan kechirildi.

O‘rganish davomida mazkur ko‘chada olib borilayotgan obodonlashtirish ishlarining sifati va bajarilish jarayoni bilan yaqindan tanishildi. Ta’kidlash joizki, uzunligi qariyb 1 kilometrni tashkil etuvchi ushbu ko‘chada shag‘allantirish ishlari aholi uchun qulay va xavfsiz harakatlanish sharoitlarini yaratishga xizmat qiladi.

Deputatlar tomonidan ishlarning belgilangan muddat va sifat talablariga muvofiq yakunlanishi yuzasidan tegishli tavsiyalar berilib, amalga oshirilayotgan ishlar nazoratga olindi.