ҚОРАПОЛВОН МАҲАЛЛАСИДА ХОТИН-ҚИЗЛАР ФАОЛИ ФАОЛИЯТИ ЎРГАНИЛДИ
Халқ депутатлари Янгиқўрғон тумани Кенгашининг 18-Қораполвон сайлов округи депутати Қодиров Икромжон Жўраевич ўз сайлов округида жойлашган Қораполвон маҳалласида бўлди.
Ўрганиш давомида маҳалла хотин-қизлар фаолининг аҳоли, хусусан, ижтимоий ҳимояга муҳтож, ишсиз ва муаммоли оилалардаги хотин-қизлар билан олиб бораётган ишлари таҳлил қилинди.
Шунингдек, хотин-қизларнинг бандлигини таъминлаш, уларни касб-ҳунарга ўқитиш ва тадбиркорликка жалб этиш борасида амалга оширилаётган чора-тадбирлар муҳокама қилинди.
Хотин-қизларнинг мурожаатлари билан ишлаш, оилалардаги ижтимоий-маънавий муҳитни соғломлаштириш ҳамда мавжуд муаммоларни масъул ташкилотлар билан ҳамкорликда ҳал этиш масалаларига алоҳида эътибор қаратилди.
Депутат томонидан аниқланган масалаларни бартараф этиш, хотин-қизлар билан манзилли ишлаш самарадорлигини ошириш ва уларни қўллаб-қувватлаш ишларини янада кучайтириш юзасидан тегишли тавсиялар берилди.