Xalq deputatlari tuman Kengashi deputati, Yangiobod mahallasi raisi A.Qodirov tomonidan Payshanba – Yoshlar kuni munosabati bilan mahalla yoshlari bilan ochiq muloqot tashkil etildi. Uchrashuv davomida yoshlarning ta'lim olishi, bandligini ta'minlash, kasb-hunar egallashi, tadbirkorlik faoliyatini qo‘llab-quvvatlash hamda bo‘sh vaqtlarini mazmunli tashkil etish masalalari muhokama qilindi. Shuningdek, yoshlarni vatanparvarlik ruhida tarbiyalash, ularning iqtidor va tashabbuslarini qo‘llab-quvvatlash borasida amalga oshirilayotgan ishlar yuzasidan fikr almashildi. Muloqot jarayonida yoshlar o‘zlarini qiziqtirgan savollar, taklif va tashabbuslarini bildirdilar. Har bir murojaat diqqat bilan tinglanib, ularni hal etish bo‘yicha tegishli chora-tadbirlar belgilandi. Uchrashuv yakunida yoshlarga mamlakatimizda ular uchun yaratilayotgan keng imkoniyatlardan samarali
foydalanish, bilim va salohiyatini yuksaltirish, mahalla hamda jamiyat rivojiga munosib hissa qo‘shish borasida tavsiyalar berildi. Xalq deputatlari tuman Kengashi deputatlari tomonidan joylarda yoshlar bilan ochiq muloqotlarni muntazam tashkil etish orqali ularning muammo va takliflarini o‘rganish hamda qo‘llab-quvvatlash ishlari izchil davom ettirilmoqda.