Xo'jaqishloq mahallasidagi ko‘p qavatli uylar aholisi tomonidan Xalq deputatlari Toyloq tumani Kengashi deputati N. Mo‘minovaga hududdagi ayrim muammolar yuzasidan murojaatlar kelib tushdi.
Murojaatda maishiy chiqindilarni o‘z vaqtida olib chiqish, tungi yoritish tizimini yaxshilash, bolalar maydonchasidagi nosozliklarni bartaraf etish hamda videokuzatuv kameralari o‘rnatish masalalari ko‘tarilgan.
Mazkur murojaatlar yuzasidan deputat hamda tuman Kengashi kotibiyati xodimlari tomonidan joyiga chiqib o‘rganish ishlari olib borildi. O‘rganish davomida tegishli tashkilotlar mas’ullari bilan muloqot qilinib, muammolarni bartaraf etish bo‘yicha zarur choralar belgilandi va ularning ijobiy yechimini ta’minlash yuzasidan amaliy ishlar tashkil etildi.
Fuqarolar murojaatlarini o‘z vaqtida ko‘rib chiqish va ularning yechimini topish deputatlik faoliyatining ustuvor yo‘nalishlaridan biri bo‘lib qolmoqda.
✅Bizni kuzatib boring: 👇
|📲 Telegram | 💻Facebook