Xalq deputatlari Bo‘stonliq tumani Kengashining 2026-yilga mo‘ljallangan ish rejasiga muvofiq O‘zbekiston Liberal-demokratik partiyasidan saylangan deputat A. Kulbayev tomonidan tumanning Markaziy dehqon bozoridagi “Elga xizmat” rastalarida aholini arzon va sifatli oziq-ovqat mahsulotlari bilan ta’minlash holati yuzasidan o‘rganish o‘tkazildi.

🔵Deputat savdo rastalaridagi sotuvchilar bilan muloqot qilib, mahsulotlarning bozorga yetkazib berilishi, narxlarni barqaror saqlash hamda aholini sifatli va hamyonbop mahsulotlar bilan ta’minlash masalalari yuzasidan fikr almashdi. Shuningdek, ayrim mahsulotlar bo‘yicha narxlar sun’iy oshirilishining oldini olish, ijtimoiy ahamiyatga ega oziq-ovqat mahsulotlarini doimiy nazoratda ushlash muhimligi ta’kidlandi.

🔵O‘rganish davomida go‘sht, sut va sut mahsulotlari, sabzavot va mevalar, un va yog‘ mahsulotlari kabi asosiy turdagi oziq-ovqat mahsulotlari narxlari tahlil qilindi. Shuningdek, mahsulotlarning sifati, savdo jarayonlarining shaffofligi hamda sanitariya holatiga ham alohida e’tibor qaratildi.

🔵Deputatlar tomonidan bozor ma’muriyatiga ayrim mahsulotlar narxlarining asossiz oshirilishi holatlariga yo‘l qo‘ymaslik, aholiga qulay sharoitlar yaratish va tadbirkorlar tomonidan belgilangan tartib-qoidalarga qat’iy rioya etilishini ta’minlash bo‘yicha tegishli tavsiyalar berildi.