Davra suhbati davomida oilaning jamiyat hayotidagi o‘rni, oilaviy qadriyatlarni asrab-avaylash, farzandlarni vatanparvarlik, milliy va umuminsoniy qadriyatlar ruhida tarbiyalash masalalariga alohida e’tibor qaratildi. Shuningdek, oilalarda sog‘lom ma’naviy muhitni shakllantirish, o‘zaro hurmat va mehr-oqibatni mustahkamlash, ajrimlarning oldini olish hamda yoshlarni mustaqil oilaviy hayotga tayyorlash borasida fikr almashildi.

Tadbir davomida xotin-qizlarni qo‘llab-quvvatlash, yoshlar bandligini ta’minlash, oilalarda ijtimoiy-ma’naviy muhitni yanada yaxshilash hamda farzand tarbiyasida ota-onaning mas’uliyatini oshirish bo‘yicha amalga oshirilayotgan ishlar haqida ma’lumot berildi. Ishtirokchilar tomonidan oilalarda totuvlikni mustahkamlash, mahalla va oila hamkorligini kuchaytirish yuzasidan taklif va mulohazalar bildirildi.

Shuningdek, davra suhbatida jamiyat taraqqiyoti va yurt tinchligi, avvalo, oilalardagi barqaror muhit, o‘zaro ishonch va hamjihatlik bilan chambarchas bog‘liq ekani ta’kidlandi. Tadbir yakunida oilalarni qo‘llab-quvvatlash, sog‘lom va mustahkam oilaviy muhitni shakllantirish borasidagi ishlarni izchil davom ettirish lozimligi qayd etildi.