Qibray tumanida renovatsiya masalalari yuzasidan aholi bilan ochiq muloqot o‘tkazildi
Qibray tuman hokimining o‘rinbosarlari U.Botirov hamda O‘.Abdullayev, Xalq deputatlari Qibray tuman Kengashining 18-okrug deputati Doniyor Yusupov ishtirokida “Boyjigit” mahallasi aholisi bilan uchrashuv bo‘lib o‘tdi.
Uchrashuv davomida fuqarolarga Renovatsiya dasturining mazmun-mohiyati, dasturning asosiy maqsadlari, aholi uchun yaratiladigan qulayliklar hamda mulkdorlarning huquq va manfaatlarini himoya qilishga qaratilgan kafolatlar haqida batafsil tushuntirishlar berildi.
Shuningdek, Renovatsiya dasturiga kiritilgan ko‘p qavatli uylarda yashovchi aholining fikr va takliflari tinglanib, ularni qiynayotgan masalalar yuzasidan mutasaddilar tomonidan tegishli izohlar berildi.
Ochiq muloqot tarzida o‘tgan uchrashuvda aholi bilan doimiy muloqotni yo‘lga qo‘yish, har bir murojaatni qonunchilik asosida ko‘rib chiqish muhim ekani ta’kidlandi.