ЖАҲОН БАНКИ ЛОЙИҲАСИ ДОИРАСИДА ЭЛЕКТР ТАЪМИНОТИ ЯХШИЛАНМОҚДА
Жаҳон банкининг “Қишлоқ инфратузилмасини ривожлантириш” лойиҳаси доирасида Баркамол маҳалласида аҳолини электр энергияси билан таъминлаш тизимини яхшилаш бўйича қиймати 2,5 миллиард сўмлик лойиҳа ишлари бошланди.
Мазкур лойиҳа доирасида ҳудуддаги электр тармоқларини модернизация қилиш, эски электр устунлари ва симёғочларни янгилаш ҳамда аҳолини узлуксиз ва сифатли электр энергияси билан таъминлаш мақсад қилинган.
🏛 Лойиҳа ижроси жараёни Халқ депутатлари Янгиқўрғон туман Кенгаши депутати Тошпўлатов Олимжон Юлдашевич томонидан депутатлик назоратига олинди.
🔎 Ўрганишлар давомида амалга оширилаётган қурилиш-монтаж ишларининг сифати, белгиланган муддатларда бажарилиши ҳамда аҳоли учун яратиладиган қулайликларга алоҳида эътибор қаратилмоқда.
✅ Бундай инфратузилма лойиҳалари маҳаллаларда яшовчи аҳолининг турмуш шароитини яхшилаш, электр таъминотидаги муаммоларни бартараф этиш ва ҳудудларнинг ижтимоий-иқтисодий ривожланишига хизмат қилади.