3-Afrosiyob saylov okrugi deputati Sh.Musayeva tomonidan yoshlar o’rtasida kitobxonlik madaniyatini oshirish, ularni ma’naviy-axloqiy jihatdan yetuk qilib tarbiyalash maqsadida tashkil etilgan “Eng yaxshi kitobxon o’quvchi” tanlovida faol ishtirok etildi. Ushbu tanlov yosh avlodni kitobga bo’lgan qiziqishini yanada kuchaytirish, ularning dunyoqarashini kengaytirish hamda mustaqil fikrlash qobiliyatini rivojlantirishga xizmat qildi.

Tadbir davomida deputat ishtirokchilar bilan muloqot qilib, ularning o’qigan asarlari, fikr-mulohazalari bilan tanishdi hamda kitob mutolaasining inson hayotidagi ahamiyati haqida o’z tavsiyalarini berdi. Ayniqsa, yoshlarning bilimga intilishi, adabiyotga bo’lgan mehri va faol ishtiroki alohida e’tirof etildi.

Tanlov yakunida g’olib va faol ishtirokchilar munosib taqdirlanib, ularga kelgusida ham kitobxonlikni davom ettirish, o’z ustida ishlash va yurt ravnaqiga hissa qo’shadigan barkamol shaxs bo’lib kamol topishlariga tilaklar bildirildi.