Boyovut tumanidagi “Muqimiy” mahallasida viloyat hamda tuman Kengashi deputatlari Abdurasul Bababekov va Eldor Erkaboyevlar ishtirokida saylovchilar bilan ochiq uchrashuv tashkil etildi.

Uchrashuv davomida deputatlar tomonidan joriy yilning 1-choragi yakunlari bo‘yicha amalga oshirilgan ishlar, hududlarda olib borilayotgan bunyodkorlik va obodonlashtirish ishlari, aholi murojaatlari bilan ishlash hamda ijtimoiy-iqtisodiy yo‘nalishlarda erishilgan natijalar yuzasidan batafsil axborot berildi.

Shuningdek, uchrashuvda fuqarolar tomonidan hudud infratuzilmasini yaxshilash, ichki yo‘llarni ta’mirlash, elektr energiyasi, ichimlik suvi, bandlik hamda yoshlar va xotin-qizlarni qo‘llab-quvvatlash masalalari bo‘yicha taklif va murojaatlar bildirildi.

Deputatlar tomonidan har bir murojaat atroflicha tinglanib, ularni qonunchilik doirasida hal etish, mutasaddi tashkilotlar bilan hamkorlikda ijrosini ta’minlash yuzasidan tegishli choralar ko‘rilishi ta’kidlandi.

Uchrashuv ochiq muloqot va konstruktiv fikr almashuv ruhida o‘tdi.